Monday, December 26, 2011

ලඟින් හිටපූ ඔබටයි...

ලඟින් හිටපූ ඔබටයි...


අඳුරු අහසට සඳක් ලූ සේ
එකලු වූ වැයි සිතිමි මාගේ
පොතට ගුලිවී තිබූ ජීවය
ඔටුනු හිමි කුමරිය වු දා ...
පිරිස බෝ මැයි එදා මා වට
බියක අඳුරක සෙයා නොමැතිව
තොසින් මන් මත් වීමි ඉපිලී
රටක් රජයක් දිනූ සේ...

එදා මා හා එක්ව හිනැහූ
මේ කියන්නේ ඔබටයි..
මගේ සතුටේ දී දිරි දෙමින්
ලඟින් හිටපූ ඔබටයි...

ඔටුනු පළඳා සිතූ පමණට
රටක් කරවුම පහසු නැති වග
දැනී කැපවී වෙහෙස වුයෙමි
මගේ රට ලස්සන කරනු වස්...
පළමු පමණට නැතත් එකලත්
මා වටා හිඳ සවිය සැලසූ
වූහ පිරිසක් මේ ගයන්නේ
ලඟින් හිටපූ ඔබටයි...

  අඳුරු කුරිරූ වලා රැලි විත්
සඳු වසා දස වධ දෙනා සේ
දුම් නැගී විත් ගිනි ද නොමැතිව
හිස වෙලා පැතිරී ගොසින්
හෙලපු දහඩිය මුගුරු පාගා
කිරුල උදුරා කිනිසි ඇන මට
මරණයට ලක් කෙරී ඉද්දි
මුලින් සිටි ඒ පිරිස කෝ?


එදා මරණින් මා මුදාලා
නගා සිටුවා කඳුළු පිසදා
මා වටා මහ පවුරු බැඳපූ
අතලොසක් වූ ඔබ නිසා
රටක් දිනිමී කිරෙන් සේදී
නිදොස් නිදහස් බව ලබා මා
දණින් හිඳිමින් තුති පුදන්නේ
ලඟින් හිටපූ ඔබටයි...

මගේ සෙත වෙනුවෙන් හඬාපූ
සටන් කර මට අභය දීපූ
හදවතට හැමදාම ළඟ වූ
සදාදරණීය ඔබටයි....


4 comments:

කිරුළු ඇතත්,නැතත් ලඟින් උන්නු 'ඔබ' වෙනුවෙන් ලියවුනු පද පේළි ලස්සනයි හැමදාමත් වගේ...
 
හී...බොහොම ස්තුතියි අයියා!!! :) :)
 
ඔය සිද්ධිය මම ලියනවනං.. ලියලත් තියෙනවා.... ලියන්නෙ යාලුවන්ට
 
මේ සිද්ධියෙ යාළුවො කියන අය දෙපැත්තටම අයිතියි.. ගිය අයයි, නොගිය අයයි...:) :) ලියල තියෙන්නෙ 'ලඟින් හිටපු' හැමෝටම!!! :)
 

Post a Comment